“Лідскае піва” прадставіла два новыя гатункі крафтавага піва IPA і Ginger Beer

27.10.2016
“Лідскае піва” прадставіла два новыя гатункі крафтавага піва IPA і Ginger Beer
Все рекламные возможности портала belretail.by

ААТ “Лідскае піва” прадставіла 2 новыя гатункі ў лінейцы “Калекцыя Майстра” — IPA і Ginger Beer. Папулярныя брытанскія гатункі піва зварыў півавар кампаніі Алег Малахаў.

Па ацэнках спецыялістаў кампаніі, на беларускім піўным рынку дамінуе класічны лагер, што ў пэўным сэнсе з'яўляецца абмежаваннем для спажыўцоў у плане смакаў і гатункаў. Таму мэта каманды “Лідскага піва” — даць магчымасць беларусам у межах сваёй краіны спрабаваць нешта новае і незвычайнае.

«У год 140-годдзя нашай кампаніі мы планавалі зварыць 2 новыя “крафты”, а атрымалася 3! Сёння ў нас вельмі амбiцыйныя планы наконт “Калекцыі Майстра”, мы не плануем спыняцца на дасягнутым. Думаю, што “Лідскае піва” парадуе спажыўца неардынарнымі крафтавымі навінкамі!» — пракаментаваў Аўдрыус Мікшыс, генеральны дырэктар кампаніі “Лідскае піва”.

  Лідское піво Лідскае піва два новыя гатункі крафтавага піва два новых сорта крафтового піва IPA і Ginger Beer

Піва выпускаецца абмежаванай партыяй — разліта 160 тысяч літраў IPA і 110 тысяч літраў Ginger Beer.

Гатункі IPA і Ginger Beer паступяць у продаж 1 лістапада 2016 года. Кошт бутэлькі аб'ёмам 0,33 л складзе 1,5 рубля.

У “Калекцыі Майстра” з’явіўся свой лагатып, цалкам абнавіўся дызайн этыкетак –— строгі чорны колер саступіў месца насычаным фарбам. На бутэльцы IPA можна ўбачыць спалучэнне моднага адцення аквамарынавага колеру і глыбокага сіняга, а на Ginger Beer — лаканічную аранжава-чырвоную кампазіцыю, якая падкрэслівае сагравальны эфект імбіру. Навінкі ад “Лідскага піва” цалкам адпавядаюць стылістыцы сучасных сапраўдных крафтавых гатункаў.

  Лідское піво Лідскае піва два новыя гатункі крафтавага піва два новых сорта крафтового піва IPA і Ginger Beer

IPA (ад англ. India Pale Ale — “індыйскі бледны эль”) — адзін з самых папулярных крафтавых гатункаў піва ў свеце. Гэта традыцыйны эль, у які дададзена вялікая колькасць хмелю. З’явіўся ён у Англіі ў XIX стагоддзі, яго рабілі спецыяльна для падданых імперыі ў Індыі. Менавіта гэты шчодра ахмелены моцны эль асабліва добра вытрымліваў працяглы перыяд транспарціроўкі.

Ginger Beer (ад англ. — “імбірнае піва”) — спецыяльны гатунак светлага піва, звараны з дабаўленнем натуральнага імбіру, які надае піву прыемны водар і пікантную вастрыню. Шырока распаўсюджаны ў Англіі, ЗША і Германіі.


Поделиться в социальных сетях:

Новости по теме: