Еўрапейскі саюз і ініцыятыва EU4Digital падтрымліваюць Global Hack – анлайн-хакатон, арганізаваны для таго, каб падзяліцца ідэямі і хутка вызначыць меры, якія патрабуюць неадкладнага прыняцця ва ўмовах пандэміі каранавіруса.
Навукоўцы, аматары тэхналогій, бізнес-лідэры, менеджэры праектаў, маркетолагі, дызайнеры, вынаходцы і іншыя эксперты ў сваіх галінах з краін Усходняга партнёрства і з усяго свету запрашаюцца да ўдзелу ў хакатоне Global Hack, які пройдзе анлайн з 9 па 12 красавіка.
Анлайн-хакатон арганізаваны Accelerate Estonia, Garage48 і Guaana пры падтрымцы Devpost.
Еўрапейская камісія выдзяліць да €75 000 на карысць Global Hack у якасці прызавых грошай для каманд-пераможцаў. Агульны прызавы фонд для лепшых ідэй складае €100 000.
ЕС таксама акажа садзейнічанне ў вырашэнні праблем у галіне стартапаў, малога бізнесу і электроннай аховы здароўя на дзяржаўным узроўні, а таксама правядзе трэнінгі, якія навучаць знаходзіць жыццяздольныя рашэнні там, дзе гэта неабходна.
Хакатон Global Hack імкнецца аб’яднаць людзей з усяго свету, каб яны мелі магчымасць абмяняцца ідэямі, ноў-хаў і перадавымі метадамі пошуку нестандартных і дасціпных рашэнняў. Дзякуючы аб’яднанню намаганняў ментараў сусветнага класа і таленавітых каманд, мы маем магчымасць знайсці рашэнні для таго, каб зрабіць нашу будучыню крыху лепшай. Хакатон пазнаёміць удзельнікаў з новымі рашэннямі, якія здольныя паказаць, як лічбавыя інавацыі могуць спрыяць аб’яднанню людзей з адной мясцовасці і дапамагаць ім справіцца з найвялікшымі цяжкасцямі.
Анлайн-мерапрыемства ўжо прыцягнула ўвагу людзей з ўсяго свету. Хакатон быў асветлены СМІ, у тым ліку Forbes, Silicon Republic і CNN, і прыцягнуў да ўдзелу цэлую армію ментараў сустветнага класа, такіх як генеральны дырэктар OpenAI Сэм Альтман, былы прэзідэнт Эстоніі Тоамас Хендрык Ільвес і спецыяліст у галіне грамадскай аховы здароўя і нейратэхнолаг Халія.
Кожны можа сабраць каманду з 6-12 чалавек, якія падтрымліваюць агульную ідэю. Лідэр каманды павінен зарэгістраваць ідэю і назву на Guaana. Падчас хакатона ўдзельнікі будуць распрацоўваць свае лепшыя і самыя бліскучыя ідэі наконт пераадолення сацыяльна-эканамічнага крызісу і яго неспрыяльных вынікаў. На старонцы reddit кожны можа апублікаваць свае заўвагі да іншых карыстальнікаў, знайсці партнёраў і азнаёміцца з правіламі ўдзелу ў спаборніцтвах.
BelRetail.by – это специализированный интернет-ресурс о розничной торговле и e-commerce в Республике Беларусь: актуальная информация о событиях отрасли, статьи, мнения; каталог ритейлеров, вакансии, профильное обучение, акции и бонусные предложения.
