У межах праекту быў распрацаваны брэндбук, у якім рэгламентуюцца правілы выкарыстання элементаў візуальнай ідэнтыфікацыі аўтазаправак. Асноўная мэта — узмацніць пазнавальнасць брэнда і палепшыць адстройку ад канкурэнтаў. Праект рэалізаваны агенцтвам Fabula Branding сумесна з кампаніяй «Никоинжиниринг».
У выніку аўдыту існуючага знешняга выгляду сеткі заправак было вырашына распрацаваць агульную зладжаную сістэму візуальных атрыбутаў і ліквідаваць існуючае на той момант рознагалоссе ў афармленні, якое размывала вобраз брэнда і пагаршала ягоную запамінальнасць.
Так, быў уніфікаваны лагатып, які ва ўзгаданы перыяд выкарыстоўваўся як у выглядзе ўжо вядомай кветкі герберы, так і ў сваім новым «геаметрычным» увасабленні. Пасля ліквідацыі шматлікіх рознастылёвых варыяцый графічны элемент набыў канкрэтныя пазнавальныя формы.
Была распрацавана адзіная схема колераў. Дамінуючым колерам у афармленні АЗС, фірмовай атрыбутыкі і камунікацыйных пасланняў стаў прыязны аранжавы. Цёплы і яркі, ён добра перадае каштоўнасці і філасофію брэнда — кліентаарыентаванасць, уважлівасць, ветлівасць і энергічнасць. А стрыманы шэры дапамагае распавесці пра тэхналагічнасць сеткі.
Замацаванне пэўнай схемы колераў за брэндам спрыяла ўсталяванню трывалай асацыятыўнай сувязі «аранжавы — гэта А-100», што палягчае ягоную ідэнтыфікацыю.
Шматстаронкавы брэндбук падрабязна апісвае асаблівасці кожнага элемента айдентыкі і рэгламентуе ўсе варыянты іх выкарыстання: ад стандартаў афармлення сувенірнай і рэкламнай прадукцыі да правіл брэндзіравання памяшканняў, фірмовага аўтатранспарта і карпаратыўнага сайта.
Усяго было распрацавана больш за 200 пазіцый.
Лагатып і архітэктурны стыль (фрызы, стэлы, навесы і іншыя архітэктурныя носьбіты) распрацаваны кампаніяй VDS.
Поделиться в социальных сетях:
BelRetail.by – это специализированный интернет-ресурс о розничной торговле и e-commerce в Республике Беларусь: актуальная информация о событиях отрасли, статьи, мнения; каталог ритейлеров, вакансии, профильное обучение, акции и бонусные предложения.
