Monroom — маркетплейс беларускіх брэндаў адзення і аксесуараў для шырокай мэтавай аўдыторыі. Праект існаваў больш за 10 гадоў і меў патрэбу ў рэбрэндынгу: варта было пераасэнсаваць пазіцыянаванне, нэйм і айдэнтыку, а таксама стварыць HR-брэнд, здольны аб'яднаць каманду.
Агенцтва Fabula Branding правяла комплексную працу і стварыла моцны брэнд Ramonki з сапраўднымі каштоўнасцямі. Яны былі ў кампаніі заўсёды, варта было толькі капнуць глыбей.
«Толькі ўявіце: за 9 гадоў ніхто ні разу не падумаў, што наша галоўная каштоўнасць — гэта тое, што мы беларусы», — такім быў водгук каманды.
Аналітыка і стратэгія
Першы этап рэбрэндынгу — даследаванне і аналіз рынку, канкурэнтаў, спажыўцоў і самой ГМ — дапамог стварыць платформу і пазіцыянаванне. Fabula Branding прэзентавала кампанію, якая працуе, каб кожная жанчына дзякуючы беларускім брэндам адчула радасць быць прыгожай.
Агенцыя зрабіла акцэнт менавіта на паходжанні, таму што прадукты з нашай краіны асацыіруюцца з еўрапейскай якасцю, зручнасцю ў абслугоўванні, ветлівасцю і душэўнасцю людзей. Да таго ж успрымаюцца знаёмымі, роднымі, асаблівымі.
Нэйм і слоган
Раней кампанія сутыкалася з цяжкасцямі падчас распрацоўкі, рэгістрацыі і працы з назвамі. Fabula Branding стварыла новае імя, даступнае для рэгістрацыі, якое адлюстроўвае характар і каштоўнасці, здольнае праслужыць шмат гадоў.
Ramonki — аўтэнтычнае беларускае слова, назва лугавой кветкі, якая выклікае пачуцці лёгкасці, прастаты, прыгажосці. У момант вымаўлення або чытання нэйма з'яўляецца знаёмы з дзяцінства вобраз, нараджаюцца прыемныя асацыяцыі з роднай зямлёй і яе прыродай. Фанетыка адсылае да еўрапейскага гучання, слова проста транслітэруецца. Ramonki — вобраз беларускі з еўрапейскім кругаглядам, еўрапейскай нагледжанасцю і патрэбай самавыяўляцца праз вопратку.
Слоган «Раз — рамонкі, два — пакупкі» адсылае да назвы і раскрывае вобраз брэнда. Капірайтэры агенцыі натхняліся прыказкай пра выкананне жаданняў, пра якую шмат расказана, напісана і знята. У фразе ёсць і асацыяцыя з працай маркетплейса: сёння пажадаў — заўтра прывезлі.
Айдэнтыка
Айдэнтыка злучыла ўсе сэнсы, укладзеныя ў брэнд. У аснове — мінімалістычная графічная інтэрпрэтацыя двух рамонкаў, пялёсткі якіх злучаюцца. Гэта алюзія да выявы сяброўкі як архетыпу брэнда: заўсёды «свая», заўсёды побач, гатовая дапамагчы і параіць.
Палітра пабудавана на асацыяцыях з нэймам: неба, сонца, луг.
Дызайнеры забрэндавалі носьбіты, а таксама распрацавалі мерч. І дэталёва прадумалі сістэму працы з айдэнтыкай, перадаўшы кліенту ў рукі надзейны інструмент для далейшай паспяховай дзейнасці*.
Камунікацыйныя платформа і стратэгія
Камунікацыйныя платформа і стратэгія працягваюць развіваць ідэю брэнда, у якой закладзены любоў да Беларусі, сяброўства, разуменне стылю і ўсведамленне індывідуальнасці. Паважлівы і пазітыўны тон, выкарыстанне беларускай мовы — важная частка любога кантакту брэнда Ramonki з кліентам. Свая асаблівая сістэма ўзаемадзеяння створана для кожнага канала камунікацыі.
Таксама агенцыя прапанавала афармленне для сацсетак і іншых медыя-рэсурсаў, ідэі кантэнту і нават стыкераў. І распрацавала камунікацыйныя пасылы, якія пераносяць у атмасферу брэнда: «Проста квітней!», «Сонцу насустрач», «Не гадай — загадвай!».
HR-брэнд
З дапамогай HR-брэнда Fabula Branding прэзентавала працу Ramonki як бясконцую прыгоду, поўную эмоцый, амбіцый, смелых рашэнняў і асэнсаванняў. Гэта клуб аднадумцаў, аб'яднаных культурай і запалам, якія падзяляюць мэты і адказнасць. Гэта кампанія, якая расце і развіваецца, каб пазнаёміць увесь свет з прадуктамі з Беларусі.
*Интерьер шоурума разработан агентством BOONT
Поделиться в социальных сетях:
BelRetail.by – это специализированный интернет-ресурс о розничной торговле и e-commerce в Республике Беларусь: актуальная информация о событиях отрасли, статьи, мнения; каталог ритейлеров, вакансии, профильное обучение, акции и бонусные предложения.
